تواصل معي

أهلا بيك 🌹
يسعدني نفضل على تواصل مع بعض قدر الإمكان. أرجو إنك تقدر إن عندي حياتي بتفاصيلها الكتير لأني حتى الآن مش متفرغ للكتابة، ومش فاتح علطول، فهرد على الرسائل في أقرب وقت متاح بإذن الله.

بس استأذنك تاخد بالك من كام نقطة:

  • فيه أسئلة ومشاكل كتير بتكون شخصية جداً، وليها أبعاد كتير مش ظاهرة ومقدرش أعرفها مهما اتكلمنا في الرسايل: فـ بتختلف الإجابة على حسب الموقف والسياق بتاعه من شخص لشخص، بل بتختلف عند الشخص نفسه ممكن من وقت للتاني، بتكون مرتبطة بقيم الشخص وتفاصيل هو اللي يعرفها عن نفسه، ووضعه الأسري وأولوياته الشخصية، إلخ... فأكيد محدش هيبقى عنده الإجابة ليك. اللي أقدر أعمله ساعتها إني اساعدك تصحح طريقة تفكيرك لو انت محتاج ده، وتاخد بالك من حاجات معينة وانت جاي تختار، وهكذا... لكن مينفعش تكون عندي إجابة مباشرة لسؤالك تديك الضمان عشان تتصرف بشكل معين. مفيش ضمانات. وفي كل الأحوال انت اللي هتاخد قرارك وانت المسئول عنه.
  • بناءً عالنقطة اللي فاتت: ياريت ويُفضَل السؤال يبقا مرتبط بطريقة تفكيرك أوتعاملك مع موضوع معين أوعن كيفية اتخاذ قرار، إلخ..
  • معنديش إجابات لكل حاجة: أكيد مش هقدر أفيدك في بعض الموضوعات، ومعنديش أجوبة لأسئلة كتير، وكمان فيه أسئلة كتير منتشرة ملهاش إجابة زي مانت متخيل ونفسك فيها، زي: "إيه معنى حياتي؟". فأرجو تكون متفهم ده.
  • السؤال محدد: ياريت لو عندك سؤال في أي حاجة أقدر اساعدك بيها، يكون السياق بتاع السؤال واضح، يكون سؤال مباشر ومحدد تماماً بحيث أقدر ارد على رسالتك علطول بدون ما احتاج توضيح -إلا لو لزم الأمر طبعاً- ، يعني اختم رسالتك بسؤال محدد.
  • اتقبل الانتقاد، ولكن.. : لو حابب تبعتلي حاجة شايفها انتقاد، توجهلي نصيحة، أهلاً بيك. بس أرجو يكون نقدك: موضوعي ومنطقي ومبني على وجهة نظر بديلة تكون فكرت فيها ومقتنع بيها / بأسلوب مُحترم / بناء مش مُحبط وسلبي وخلاص. غير كده مش هقدر أرد.
  • مُرحب بيك في أي وقتمتترددش تبعتلي إذا احتجت، خد بالك من النقط اللي فوق دي بس.

■ اتواصل معاك فين؟

يسعدني إنك تبعتلي على:

  الإيميل الشخصي: mahmoud8abulmaaty@gmail.com  (دي الوسيلة المفضلة)
رسائل "صفحة الFacebook" من هــــــنــــــــــــا 

( عذراً: مش برد على رسائل الاكونت الشخصي )

خلينا على تواصُل... 💐